Parlament qarşısında aksiya keçirilir

Vake parkında baş verən faciəvi hadisə ilə bağlı Parlament qarşısında aksiya keçirilir.

InterPress.ge xəbər verir ki, aksiya iştirakçıları Tbilisi meri Kaxa Kaladzedən insidentlə bağlı məsuliyyəti öz üzərinə götürməsini tələb edirlər.

Vətəndaş fəalı Mamuka Juqelinin sözlərinə görə, aksiyalar Kaxa Kaladze məsuliyyəti üzərinə götürməyənə qədər davam edəcək.

“Ümid edirəm ki, bura toplaşan insanlar bu mübarizənin bu gün bitməməsini təmin edə biləcəklər. Bu, Kaxa Kaladzenin məsuliyyəti üzərinə götürməyi lazım olduğu ilk faciə deyil.
Fəaliyyət planı ondan ibarətdir ki, Kaxa Kaladze cəzalandırılmayana və məsuliyyəti öz üzərinə götürənə qədər dayanmayacağıq”, - deyə vətəndaş fəalı bildirib.

Parlamentin yaxınlığında toplaşanların üzərində “Qatil Kaxa Kaladze istefa verin!”, "Ölümlə dolu şəhərə yox!" sözləri yazılmış plakatlar var.