Rustavidə oğul anasını bıçaqlayıb

Rustavidə Cğondideli qəsəbəsində oğul anasını bıçaqlayıb.

InterPress.ge xəbər verir ki, 19 yaşlı oğlan soyuq silahla 38 yaşlı qadını qarnından yaralayıb.

Məlumata görə, oğulla ana arasında qarşıdurma qarşılıqlı mübahisə zəminində başlayıb.  Mübahisə zamanı oğul mətbəx bıçağı ilə anasına xəsarət yetirib.

Yaralı qadın təcili tibbi yardım briqadası tərəfindən şəhərin mərkəzi xəstəxanasına çatdırılıb.

Mərkəzi xəstəxananın direktor müavini Davit Qoqodzenin verdiyi məlumata görə, pasiyent reanimasiya şöbəsinə yerləşdirilib.

Rustavi polisi hadisədən sonra təqsirləndirilən şəxsi saxlayıb.

Hadisə yerinə bir neçə polis briqadası və təcili yardım səfərbər edilib.