Salome Zurabişvili Moldovaya işgüzar səfərinə başlayır

Bu gün Gürcüstan prezidenti Salome Zurabişvili Kişinyov şəhərinə səfər edəcək və Moldova Respublikasının Prezidenti Maya Sandu ilə görüşəcək.  

InterPress.ge xəbər verir ki, bu barədə Gürcüstan prezidentinin administrasiyası məlumat yayıb.

Mətbuat xidmətinin məlumatına görə, işgüzar səfər çərçivəsində nümayəndə heyətlərinin müşayiəti ilə Moldova prezidenti ilə geniş tərkibdə danışıqlar aparılacaq, bundan sonra prezidentlər media nümayəndələri üçün mətbuat konfransı keçirəcək və jurnalistlərin suallarını cavablandıracaqlar.

Gürcüstan Prezidenti Salome Zurabişvilinin Moldova Respublikasının Baş naziri Nataliya Qavriliksa və Moldova Respublikası parlamentinin sədri İqor Qrossu ilə görüşləri planlaşdırılır.