Tbilisi merinin istefası tələbi ilə aksiya keçirilir

“Kaladze istefa versin” – bu şüarla paytaxt meriyası qarşısında etiraz aksiyası keçirilir.

InterPress.ge xəbər verir ki, aksiyaya vətəndaş fəalları və müxalifət partiyalarının gənclər qanadının nümayəndələri rəhbərlik edirlər.

Toplaşanların sözlərinə görə, oktyabrın 13-də Vake parkında baş verən faciəyə görə digər şəxslərlə bərabər Kaxa Kaladze də məsuliyyət daşımalıdır.

Polis “Tbilisi meriyası”nın yaxınlığında toplanıb.

Məlumat üçün bildirək ki, oktyabrın 13-də Vake parkında yeni bərpa olunan fəvvarəyə girən 3 uşağı elektrik cərəyanı vurub. Onlardan biri, 13 yaşlı Marita Meparişvili dünyasını dəyişib.