Tbilisi meriyasının binası qarşısında gərginlik yaşanır

Tbilisi meriyasının binası qarşısında gərginlik yaşanır. 

InterPress.ge xəbər verir ki, Şəhər Şurasının müxalifətçi deputatları meriyanın binasına daxil olmağa çalışırlar, ancaq mühafizəçilər onlara icazə vermirlər.

“Milli Hərəkat”ın və “Lelo”nun deputatları onların meriya binasına buraxılmaması ilə bağlı açıqlama tələb edirlər. Onların sözlərinə görə, meriyanın Mühafizə Xidmətinin nümayəndələri qanunsuz tapşırıq yerinə yetirirlər.

Məlumat üçün bildirək ki, Tbilisi Şəhər Şurasının deputatları bir saatdan çoxdur ki, paytaxt hökumətinin iclasında iştirak etməyi tələb edirlər. Onlar Tbilisi meri Kaxa Kaladzeyə Vake parkında baş verən faciə ilə bağlı suallar vermək istəyirlər.