Bizimlə əlaqəHaqqımızda—
Ən son:
TVCANLI

Kobaxidze Ukrayna ilə münasibətlərdən danışdı

358
Kobaxidze Ukrayna ilə münasibətlərdən danışdı
Dinləmək üçün basın

"İşgəncə verəni, qəsbçini Avropa strukturlarına öz hakimiyyətinin nümayəndəsi kimi gətirdiklərinə baxmayaraq, biz Ukrayna hökuməti ilə birtərəfli dostluq rejimində qalmağa hazırıq".

"İşgəncə verəni, qəsbçini Avropa strukturlarına öz hakimiyyətinin nümayəndəsi kimi gətirdiklərinə baxmayaraq, biz Ukrayna hökuməti ilə birtərəfli dostluq rejimində qalmağa hazırıq".

InterPress.ge xəbər verir ki, bu barədə jurnalistlərə “Gürcü Arzusu”nun sədri İrakli Kobaxidze  açıqlama verib və bununla Gürcüstanın keçmiş baş prokuroru Zurab Adeişvilinin Avropa Şurasında olduğu və Ukrayna nümayəndə heyəti adından görüşlərdə iştirak etdiyi barədə sualı cavablandırıb.

Kobaxidzenin qeyd etdiyinə görə, Ukrayna hakimiyyəti ilə birtərəfli dostluq illərdir davam edir.

“Mən dəfələrlə dediklərimi bir daha təkrar edəcəyəm, bizim Ukrayna hakimiyyəti ilə birtərəfli dostluğumuz var. Bu illərdir davam edir. Birtərəfli dostluq rejimi müharibədən xeyli əvvəl başlayıb. Ukraynanın əvvəlki hökuməti, sonra isə indiki hökumət ən pis günahkarları, cinayətkarları gizlədir ki, bu da təbii ki, Gürcüstan dövlətinə qarşı hörmətsizliyin təzahürüdür. Bu, çox üzücü hadisədir, lakin bu gün Ukrayna müharibə vəziyyətindədir. Bundan əlavə, Ukrayna xalqı tarixən bizim dostumuzdur və biz buna hörmət edirik. Belə ağır addımlara və işgəncə verən, qəsbçini Avropa strukturlarına öz hakimiyyətinin nümayəndəsi kimi gətirmələrinə baxmayaraq, biz Ukrayna hökuməti ilə birtərəfli dostluq rejimində qalmağa hazırıq", - deyən Kobaxidze “birtərəfli dostluğun qorunub saxlanacağını” qeyd edib.

Bundan əlavə, o, Avropa Şurasının qətnaməsinin hakim partiya tərəfindən niyə dəstəklənmədiyini bir daha izah edib. Onun sözlərinə görə, “Gürcü arzusu” Mixeil Saakaşvilinin hətta dolayısı ilə siyasi məhbus kimi qeyd olunduğu belə bir qətnaməni dəstəkləyə bilməzdi.

Xəbəri qiymətləndir
Məqalənin müəllifiHumay Məmmədova

Son xəbərlər

Kobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirSon xəbərlərə bax →