Prezident Administrasiyası: "Gürcüstan Prezidentinə Azərbaycan Prezidentinin Gürcüstana işgüzar səfəri barədə məlumat verilməyib"

Gürcüstan Prezidenti Salome Zurabişviliyə Azərbaycan Prezidenti İlham Əliyevin Gürcüstana işgüzar səfəri barədə məlumat verilməyib. 

InterPress.ge xəbər verir ki, bu barədə Gürcüstan prezidentinin administrasiyasının yaydığı bəyanatda deyilir.

Prezident administrasiyasının bildirdiyinə görə, Gürcüstan prezidentinin istəyinə və hazırlığına baxmayaraq, təəssüf ki, prezidentlər arasında görüş baş tuta bilmədi və Salome Zurabişvili Azərbaycan prezidentini rəsmi görüşdə qəbul etməyə hazır olduğunu və arzusunu ifadə edir. 

“Gürcüstan Prezidenti Azərbaycan Respublikasının Prezidenti cənab İlham Əliyevin Gürcüstana işgüzar səfərini alqışlayır.

Məsələnin vacibliyinə görə Gürcüstan Prezidentinin Administrasiyası qonşu və dost ölkəmizin Prezidenti cənab İlham Əliyevin Gürcüstana işgüzar səfəri barədə dövlət başçısına məlumat verilmədiyini ictimaiyyətə çatdırmağı məqsədəuyğun hesab edir.

Gürcüstan prezidentinin istəyinə və hazırlığına baxmayaraq, təəssüf ki, prezidentlər arasında ənənəvi olaraq bütün dövlət başçılarının ölkəyə səfəri zamanı keçirilən görüş baş tuta bilmədi.

Gürcüstan Prezidenti bir daha Azərbaycan Respublikasının Prezidentini yaxın gələcəkdə rəsmi səfərlə qəbul etməyə hazır olduğunu və arzusunu bildirir”, - Prezident Administrasiyasının bəyanatında deyilir.