Britaniya Hərbi Kəşfiyyatı: "Rusiya Federasiyasının hava üstünlüyü yoxdur və döyüş sursatı tükənmək üzrədir"

"Rusiya Federasiyasının hava üstünlüyü yoxdur və döyüş sursatı tükənmək üzrədir".

InterPress.ge xəbər verir ki, bu barədə Britaniya Hərbi Kəşfiyyatı bildirib.

“Rusiya cəbhə xəttində effektiv hava dəstəyini etibarlı şəkildə təmin etmək üçün hələ də kifayət qədər hava üstünlüyünü saxlaya bilmir, artilleriya sursatları tükənir. Rusiya komandanlığı, çox güman ki, döyüş əməliyyatlarında qoşunlara yaxından dəstək vermək üçün bir seçim kimi yüksək riskli döyüş missiyalarına getdikcə daha çox müraciət edəcək”, - bəyanatda deyilir.

Oktyabrın 10-dan Rusiya Ukrayna şəhərlərini kütləvi şəkildə bombalayır. Putin bunun Krım körpüsünün bombalanmasına cavab olduğunu bildirib. Oktyabrın 17-də Rusiya "kamikadze" dronları ilə Kiyevə hücum edib. Nəticədə şəhərin mərkəzində yaşayış binası dağılıb.