Almaniya Prezidenti Ukraynada səfər zamanı sığınacağa yerləşdirilib

Almaniya prezidenti Frank-Valter Ştaynmayer Ukraynanın Çerniqov vilayətinə səfəri zamanı hava hücumu xəbərdarlığı zamanı sığınacağa yerləşməli olub. 

InterPress.ge xəbər verir ki, bu barədə Almaniyanın "Spiegel" nəşri məlumat yayıb.

O cümlədən, Almaniya prezidentinin mətbuata çıxışı zamanı Çerniqov vilayətinin Koryukivka şəhərində hava həyəcan siqnalı verilib. Nəşrin yazdığına görə, nəticədə Ştaynmayer sığınacaqda mülki əhali ilə "kortəbii söhbət" etməli olub.

Bu gün Almaniya prezidenti Ukrayna prezidenti Vladimir Zelenski ilə görüşəcək.

Məlumat üçün bildirək ki, Ştaynmayer bu gün səhər gözlənilmədən Kiyevə səfər edib. O, ötən cümə axşamı Kiyevdə Zelenski ilə görüşməyi planlaşdırırdı, lakin daha sonra səfər "təhlükəsizlik mülahizələrinə görə" təxirə salınıb.