Rustavidə avtomobil partlayıb-Xəsarət alanlar var

Rustavinin Todria küçəsində avtomobil partlayıb. 

InterPress.ge xəbər verir ki, bu barədə "İnfo Rustavi" məlumat yayıb.

Hadisə şahidlərindən birinin verdiyi məlumata görə, partlayış baş vermə səbəbi sürücünün maşına minərək siqaret yandırması olub. Onun sözlərinə görə, avtomobildə quraşdırılmış qaz balonundan qaz sızıb.

Qəza zamanı iki nəfər xəsarət alıb. Onlardan biri üz nahiyəsindən yanıq xəsarətləri alan avtomobilin sürücüsü, digəri isə yoldan keçən qadındır.

Təcili yardım briqadası qadını “Rustavi” klinikasına aparıb. Qurumdan verilən məlumata görə, xəsarət alan şəxsin ciddi xəsarəti yoxdur və o, müayinə olunur.

Hadisə yerinə yanğınsöndürmə, patrul və kriminal polis qrupları səfərbər edilib.