Gürcüstan sərhədini qanunsuz keçməyə çalışan Əfqanıstan Respublikası vətəndaşları saxlanıldı

Sərhəd polisinin əməkdaşları Batumi Bölməsinin “Çiruxi” sərhəd sektorunda qrup halında sərhədi qanunsuz keçməkdə təqsirli bilinən Əfqanıstan İslam Respublikasının üç vətəndaşını saxlayıblar.

InterPress.ge xəbər verir ki, bu barədə DİN-də keçirilən brifinqdə məlumat verilib.

Daxili İşlər Nazirliyinin məlumatına görə, araşdırma zamanı müəyyən edilib ki, təqsirləndirilən şəxslər qrup halında Türkiyə Respublikasından gələrək Gürcüstanın dövlət sərhədini qanunsuz keçiblər.

İstintaq Gürcüstan Cinayət Məcəlləsinin 344-cü maddəsinin ikinci hissəsinin “A” bəndinə əsasən aparılır.

Cinayət 4 ildən 5 ilə qədər azadlıqdan məhrumetmə ilə cəzalandırılır.