"İvanişvilidən bir qəpik də almamışıq, lazım deyil"- Kobaxidze

“Gürcü Arzusu” özünü təmin edən resurslara malik partiyadır və Bidzina İvanişvili maliyyələşdirməyib".

InterPress.ge xəbər verir ki, bunu “Gürcü Arzusu”nun sədri İrakli Kobaxidze deyib.

Kobaxidze deyib ki, “Oçneba” siyasətdə uğur qazanmaq üçün lazım olan möhkəm resurslara malikdir.

“Siyasətdə maliyyə və media resursları həlledici əhəmiyyətə malikdir - bu iki resursun sahibinin siyasətdə uğur qazanmaq şansı yüksəkdir. “Gürcü Arzusu”nun bu baxımdan resursları var — yəni bizə az-çox loyal olan media var; İanələri almaqda heç bir problemimiz yoxdur və s. Digər tərəfdə isə eyni pula və media resurslarına malik olan “Milli Hərəkat” üç telekanal şəklindədir” - Kobaxidze deyib. 

Bu illər ərzində ondan nəinki bir qəpik də almamışıq, hətta buna ehtiyacımız da yoxdur - özümüzü təmin edirik, ianələrlə əldə etdiyimiz resurslarımız var. O, partiyanı və ya hər hansı siyasi qurumu maliyyələşdirməyib", - deyən Kobaxidze Bidzina İvanişvilinin təsirində nəyin nəzərdə tutula biləcəyinin aydın olmadığını bildirib.