Mixeil Saakaşvilinin məhkəməsi bu gün də təxirə salındı

Gürcüstanın dövlət sərhədini qanunsuz keçməkdə təqsirləndirilən üçüncü prezident Mixeil Saakaşvilinin məhkəməsi bu gün də təxirə salınıb.

InterPress.ge xəbər verir ki, sabiq prezident “Vivamed” klinikasındadır.

Cəzaçəkmə müəssisəsindən göndərilən məktuba görə, Saakaşvili səhhətinə görə iclasa gəlməkdən imtina edib. Buna görə də iclas təxirə salınıb.

Xatırladaq ki, Mixeil Saakaşvilinin sərhədi qanunsuz keçməsi ilə bağlı istintaq oktyabrın 1-də başlayıb.

Sözügedən iş çərçivəsində daha 4 şəxsə - Elquca Tsomaia, Zurab və Şalva Tsotsori və Qiorqi Narimanidzeyə qarşı ittiham da irəli sürülüb və ayrı-ayrılıqda icraat aparılır. Adıçəkilən şəxslər təqsirlərini etiraf edirlər.