Mixeil Saakaşvilinin vəziyyəti yaxın günlərdə Brüsseldə müzakirə olunacaq

Yaxın günlərdə Brüsseldə Gürcüstanın üçüncü prezidentinin vəziyyəti müzakirə olunacaq.

InterPress.ge xəbər verir ki, üçüncü prezidentin ailə üzvləri və hüquq müdafiəçiləri Avropa Parlamentində görüşlər keçirərək, deputatları Mixeil Saakaşvilinin vəziyyəti ilə bağlı məlumatlandıracaq və ekspertlərin rəylərini təqdim edəcəklər.

Üçüncü prezidentin səhhəti pis olduğu üçün son aylarda ona qarşı qaldırılan işlər üzrə məhkəmə prosesləri təxirə salınır. Pencək işi üzrə növbəti iclas bu günə təyin edilib, lakin Mixeil Saakaşvilinin vəziyyətinin ağır olması səbəbindən proses yəqin ki, yenidən təxirə salınacaq.