Aİ səfiri: "Mixeil Saakaşvilinin bütün hüquqları tam şəkildə qorunmalıdır"

"Keçmiş prezident Mixeil Saakaşvilinin bütün hüquqları tam şəkildə qorunmalıdır".

InterPress.ge xəbər verir ki, bunu Avropa İttifaqının Gürcüstandakı səfiri Pavel Herçinski deyib.

Səfirin sözlərinə görə, Saakaşvilinin vəziyyəti izlənilir.

 “Biz onun səhhətinin pisləşməsindən xəbərdarıq, onun bütün hüquqlarına riayət olunmasını izləyirik. Biz onun ailəsi, vəkilləri və təbii ki, Gürcüstan hökumətinin nümayəndələri ilə əlaqə saxlayırıq. Fikrimizcə, eks-prezident Saakaşvilinin bütün hüquqlarının tam şəkildə müdafiə olunması çox vacibdir və təbii ki, onun gələcəyi Gürcüstan məhkəməsinin səlahiyyətindədir”, - səfir bildirib.