Azərbaycana oğurluq məqsədilə gedən Gürcüstan vətəndaşları bir nəfəri bıçaqlayıblar

Azərbaycan sərhədini oğurluq məqsədi ilə pozan Gürcüstan vətəndaşları çobanı bıçaqlayıblar.

InterPress.ge xəbər verir ki, bu barədə “Report” məlumat verib.

Məlumata görə, hadisə Gürcüstan-Azərbaycan sərhədində, Çeyrançöl adlanan ərazidə qeydə alınıb.

Həmin ərazidə çobanlıqla məşğul olan 1969-cu il təvəllüdlü İsmayılov Alı İsmayıl oğlu bıçaqlanıb. O, xəstəxanaya yerləşdirilib.

Qeyd edək ki, hadisəni törədən şəxslərin Gürcüstan vətəndaşları olduğu bildirilir. Belə ki, onlar sərhədi qanunsuz keçərək mal-qara oğurlamaq məqsədi ilə Çeyrançöl ərazisinə gəliblər.

Faktla bağlı araşdırma aparılır.