Rustavidə Şaxta baba paltarı geyinmiş şəxs xəstəxanaya daxil olmağa çalışıb

Şaxta baba libasında, əlində gitara olan şəxs Rustavidəki xəstəxanalardan birinə girməyə cəhd göstərib.

InterPress.ge xəbər verir ki,bu barədə İnfo Rustavi məlumat yayıb.

Məlumata görə, Şaxta baba libasında olan şəxs xəstəxanada anası üçün sürpriz təşkil etmək üçün xəstələrdən birinin oğlu tərəfindən işə götürülüb.

Şaxta baba xəstə qadın üçün ruhlandırıcı mahnılar oxumalı imiş. Lakin xəstəxana rəhbərliyi mövcud qaydalara görə onu xəstəxanaya buraxmayıb.