2023-cü ildən pensiya kreditlərinin faizi azaldılır

2023-cü ildən “Liberty Bank”da pensiya kreditlərinin faizi azaldılacaq.  

InterPress.ge xəbər verir ki, yanvarın 1-dən “Liberty Bank”da pensiya kreditlərinin yuxarı həddi 26% olacaq.

Parlamentin vitse-spikeri Levan İoselianinin verdiyi məlumata görə, 26 faiz də ideal deyil, lakin 36 faizlə müqayisədə bu, pensiyaçılar üçün ciddi üstünlükdür.

Deputatın sözlərinə görə, artıq verilmiş kreditlərlə bağlı hələ də həllini tapmamış problem var və faizlərin azaldılması onlara təsir göstərmir.