"Polşa hökuməti prezident Saakaşvilinin sağlamlığı üçün mübarizəni dayandırmayacaq"

“Polşa hökuməti prezident Saakaşvilinin sağlamlığı üçün mübarizəni dayandırmayacaq, biz ona dəfələrlə öz ölkəmizdə müalicə təklif etmişik”

InterPress.ge xəbər verir ki, bu sözləri Polşa Seyminin sədr müavini Malqojata Qoşevska bildirib.

“Demək olar ki, o, bizim gözümüzün qarşısında, bütün dünyanın gözü qarşısında ölür və Gürcüstan hökumətinin bu işdə əli var”, - Qoşevska bildirib.

Onun sözlərinə görə, Polşa hökumətinin nümayəndələri, o cümlədən prezident Anjey Duda, baş nazir Mateuş Moravetski, eləcə də xarici işlər naziri Zbiqnev Rau Gürcüstan tərəfi ilə ikitərəfli danışıqlar zamanı və beynəlxalq görüşlərdə Saakaşvilinin həbsi ilə bağlı məsələni dəfələrlə qaldırıblar.

“Biz söhbətlərdə və məktublarda tez-tez Saakaşvilini müalicə üçün Polşaya aparmağı təklif edirdik. Bunun üçün razılıq almadıq. Xahiş etdik və onun səhhətinin Beynəlxalq Tibb Komissiyası tərəfindən qiymətləndirilməsini təklif etdik. Biz buna razılıq almadıq”, - Malqojata Qoşevska bildirib.

O, bildirib ki, son həftələr ərzində Saakaşvili xeyli arıqlayıb və fiziki vəziyyəti pisləşib ki, bu da yəqin ki, onun neyrotoksinlərlə zəhərlənməsinin nəticəsidir.

“Bu neyrotoksinlər prezident Saakaşvili həbsdə olarkən onun orqanizminə hansısa yolla daxil olub, ona görə də Gürcüstan hökuməti birbaşa məsuliyyət daşıyır və bunun onlar üçün nəticələri olacaq”, - Qoşevska.