Mixeil Saakaşvilinin tərəfdarları Tbilisi şəhər məhkəməsinə toplaşıb

Gürcüstanın sabiq prezidenti Mixeil Saakaşvilinin məhkəməsi ilə paralel olaraq Tbilisi şəhər məhkəməsində Gürcüstanın keçmiş prezidentinin tərəfdarları toplaşıb.

InterPress.ge xəbər verir ki, onlar Mixeil Saakaşvilinin cəzasının təxirə salınmasını və müalicə üçün xaricə göndərilməsini tələb edirlər.

“Milli Hərəkat”ın üzvü Sofo Caparidzenin sözlərinə görə, onun məhkəməyə ümidi yoxdur.

"Mən məhkəməyə ümid etmirəm, amma ümid edirəm ki, kritik anda prezident düzgün və layiqli qərar qəbul edib Mixeil Saakaşvilini əfv edə bilər", - Caparidze bildirib.