Kaladze Rusiya ilə Gürcüstan arasında uçuşların bərpasına belə münasibət bildirdi

 "Rusiya Gürcüstana birbaşa aviareysləri bərpa etmək qərarına gəlsə, burada pis heç nə görmürəm".

 InterPress.ge xəbər verir ki, bu barədə  Kaxa Kaladze məlumat verib.

Onun fikrincə, sözügedən qərarın qəbulu hətta Gürcüstan üçün də faydalı ola bilər.

“Bilirsiniz ki, uçuşlar birtərəfli məhdudlaşdırılıb. Gürcüstana sanksiya tətbiq olundu. Əgər bu qərar onların tərəfindədirsə, mən bunda qəbahət görmürəm. Əksinə, ölkəmiz üçün xeyirli ola bilər. O baxımdan yaxşı olardı ki, Rusiyada bir milyona qədər soydaşımız yaşayır və birbaşa uçuşlar hətta insanların gediş-gəlişinə kömək edəcək”, - Kaladze bildirib.