Ağır yol qəzasında 3 nəfər xəsarət alıb

Axmeta bələdiyyəsinin Yuxarı Alvani kəndində baş verən yol qəzasında 3 nəfər, o cümlədən 14 yaşlı uşaq xəsarət alıb.

InterPress.ge xəbər verir ki, iki avtomobil bir-biri ilə toqquşub.

Nəticədə avtomobillərdən birində olan iki qardaş və digər avtomobilin sürücüsü xəsarət alıb, onlardan birinin vəziyyəti ağırdır, o, hazırda təcili tibbi yardım tərəfindən Telavi xəstəxanasından Tbilisiyə aparılır. Telavidə iki yaralının müalicəsi davam edir. Polis hadisə yerinə səfərbər edilib.