Rustavidə mikroavtobus yoldan çıxaraq divara çırpılıb

Rustavidə, Qaqarin küçəsində yol qəzası baş verib.

InterPress.ge xəbər verir ki, “Ford” markalı mikroavtobusun sürücüsü sükanı idarə edə bilməyib, yolun hərəkət hissəsindən çıxıb və beton divara çırpılıb.

Qəza zamanı orta yaşlı kişi xəsarət alıb, o, təcili tibbi yardım briqadası tərəfindən şəhərin mərkəzi xəstəxanasına çatdırılıb.

Məlumata görə, kişi səthi xəsarətlər alıb və ona müvafiq tibbi yardım göstərilib.

Qeyd edək ki, yerli sakinlər uzun müddətdir ki, süni sürət məhdudlaşdırıcısının quraşdırılmasını, yol cizgisinin çəkilməsini və müvafiq yol nişanlarının qoyulmasını tələb edirlər.