Marneulidə 15 yaşlı qız itkin düşüb

Marneulinin kəndlərindən birində 15 yaşlı qız yoxa çıxıb. 

InterPress.ge xəbər verir ki, bu barədə "Mtavari Arxi" məlumat verib.

Məlumata görə, hadisə fevralın 2-də baş verib.

Əldə olan məlumata görə, 3 gün əvvəl nişanlanan yeniyetmə fevralın 2-də evdən qaçıb. Məlumata görə, azyaşlını zorla evləndirməyə çalışıblar.

15 yaşlı qızın hazırda harada olduğu bilinmir. Ailə artıq hüquq-mühafizə orqanlarının əməkdaşları ilə əlaqə saxlayıb və onun axtarışına polis cəlb olunub.