Marneulidə yeni təhsil mərkəzi fəaliyyətə başlayıb

5 fevral tarixində Marneulidə “Qırmızı Körpü” təşkilatının nəzdində “Mülki inkişaf məktəbi” adlı yeni təhsil mərkəzinin açılışı olub. 

InterPress.ge xəbər verir ki, açılışda ictimaiyyət nümayəndələri ilə yanaşı, siyasətçilər, jurnalistlər və din xadimləri iştirak ediblər. 

Tədbirdə çıxış edənlər regionda bu cür mərkəzlərin önəmini vurğulayaraq təşkilat rəhbərlərinə gələcək fəaliyyətlərində uğurlar arzulayıblar. 

Qeyd edək ki, 5 ay davam edəcək layihə çərçivəsində müxtəlif universitetlərin lektorları, siyasətçilər və mərkəzi media nümayəndələri fərqli mövzularda seminar-görüşlər keçirəcəklər.