Gürcüstanın Türkiyə Respublikasındakı səfirliyinə Antakyada zəlzələ nəticəsində Gürcüstan vətəndaşı N.Z.-nin öldüyü barədə məlumat daxil olub.
InterPress.ge xəbər verir ki, bu barədə Gürcüstan XİN məlumat verib.
“Gürcüstanın diplomatik missiyası mərhumun ailə üzvləri, eləcə də Türkiyənin müvafiq qurumları ilə əlaqə saxlayır”, - nazirlikdən bildirilib.
Məlumat üçün bildirək ki, Türkiyə və Suriyada baş verən zəlzələ nəticəsində ölənlərin sayı 1200-ü keçib. Minlərlə insan yaralanıb. Hər iki ölkədə axtarış-xilasetmə əməliyyatları davam edir, yüzlərlə insan dağıntılar altından xilas edilib.
