Bizimlə əlaqəHaqqımızda—
Ən son:
TVCANLI

Milli Hərəkat Hökumət Administrasiyası önündə aksiya keçirir

392
Milli Hərəkat Hökumət Administrasiyası önündə aksiya keçirir
Dinləmək üçün basın

“Milli Hərəkat”ın elan etdiyi mitinq hökumətin inzibati binası qarşısında başlayıb.

“Milli Hərəkat”ın elan etdiyi mitinq hökumətin inzibati binası qarşısında başlayıb.

InterPress.ge xəbər verir ki, “Milli Hərəkat”ın üzvü İrakli Nadiradzenin qeyd etdiyinə görə, aksiyalar Mixail Saakaşvili xaricə müalicəyə göndərilənə qədər davam edəcək.

“Dünən, əslində, hakim Kremlin qərarını elan edib. Bəli, dünən Putin rusiyalı oliqarx İvanişvilinin əli ilə Mixail Saakaşviliyə ölüm hökmü verdi ki, onun həbsdə qalması onun qaçılmaz ölümü deməkdir. Biz bir sıra yüksək nüfuzlu beynəlxalq ekspertlərin və həkimlərin onun səhhəti ilə bağlı qənaətlərini eşitmişik. Onlar belə bir qənaətə gəliblər ki, Mixail Saakaşvili çox güman ki, zəhərlənib.

Əgər biz cəmiyyət Mixail Saakaşvilinin ölümünə yol vermişiksə, deməli, ölkə bu rüsvayçılığı nəsillər boyu yuya bilməyəcək. Aksiyalar intensiv olacaq və Mixail Saakaşvili xaricə transfer olunana qədər davam edəcək”, - deyə İrakli Nadiradze bildirib.

Bundan başqa, mitinqdə "Ağmaşenebeli Strategiyası”, “Qirçi-Daha çox Azadlıq” partiyalarının nümayəndələri və digər müxalif siyasətçilər də iştirak edir.

Hadisə yerinə bir neçə polis briqadası səfərbər olunub.

Xatırladaq ki, Tbilisi şəhər məhkəməsi Gürcüstanın üçüncü prezidenti Mixail Saakaşvilinin cəzasını təxirə salmaqdan imtina etdikdən sonra “Milli Hərəkat” davamlı etiraz dalğası elan edib.

Eks-prezidentin vəkilləri Mixail Saakaşvilinin cəzasının təxirə salınması və ya cəzadan azad edilməsi üçün məhkəməyə müraciət etmişdilər. Hakim Giorgi Arevadze sözügedən vəsatətə iki aya yaxın müddət ərzində baxıb.

Xəbəri qiymətləndir
Məqalənin müəllifiAidə Rüstəmova

Son xəbərlər

Kobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirSon xəbərlərə bax →