Türkiyə və Suriyada baş verən zəlzələ nəticəsində ölənlərin sayı 34 179-a çatıb

Türkiyə və Suriyada baş verən zəlzələdə ölənlərin sayı artmaqda davam edir.

InterPress.ge xəbər verir ki, bu barədə Türkiyə Fövqəladə Hallar Koordinasiya Mərkəzi məlumat verib.

Mərkəzin məlumatına görə, ölkədə baş verən zəlzələ nəticəsində ölənlərin sayı 29 605 nəfərə çatıb. Suriyada təbii fəlakət nəticəsində azı 4574 nəfər həlak olub, onlardan 3160-dan çoxu müxalifətin nəzarətində olan ərazidə, 1414-ü isə Suriya hökumətinin nəzarətində olan ərazidə həlak olub.
Qeyd edək ki, xilasetmə əməliyyatları davam edir və xilasedicilər dağıntılar altında qalan insanları tapmağa çalışır.