Səfir: “5 Gürcüstan vətəndaşının ölüm faktı təsdiqlənib, üçü artıq Gürcüstana təhvil verilib"

Türkiyədə baş vermiş zəlzələdə 5 Gürcüstan vətəndaşının öldüyü təsdiqlənib, biri isə hələ də axtarılır.

InterPress.ge xəbər verir ki,bu barədə Gürcüstanın Türkiyədəki səfiri məlumat verib.

Məlumata görə, səfir təbii fəlakət zonasında nümayəndələrlə birlikdə olub, orada gürcü xilasediciləri və Gürcüstan vətəndaşları ilə görüşüb.

“5 Gürcüstan vətəndaşının ölüm faktı təsdiqlənib, üçü artıq Gürcüstana köçürülüb, qalanları üzərində səfirliyin konsulluq xidməti işləyir, təbii ki, onlar da Gürcüstana köçürüləcək”, - səfir Qiorqi Canqava bildirib.