Kutaisidə xəstəxanaya gecikən qadın klinikanın həyətində uşaq dünyaya gətirdi

Kutaisidə hava şəraitinin pis olması səbəbindən qadın vaxtında klinikaya çata bilməyib və o, klinikanın həyətində, maşında doğuş edib.

InterPress.ge xəbər verir ki, bu barədə  “Beaumond” klinikasından məlumat verilib.

Klinikadan bildirilib ki, həm ana, həm də yeni doğulmuş körpənin vəziyyəti yaxşıdır.

"Doğuşa hazırlaşan qadın Martvilidən klinikaya çətinliklə gəlib, ona görə onu doğum şöbəsinə köçürmək mümkün olmayıb və doğuş maşında olub", - mama-ginekoloq Teona Lortkipanidze bildirib.

Məlumat üçün bildirək ki, Qərbi Gürcüstanda yağan güclü qar bir çox rayonlarda problemlər yaradıb.