Türkiyədə yenidən zəlzələ baş verdi

Türkiyənin Hatay vilayətində 6,4 bal gücündə zəlzələ baş verib. 

InterPress.ge xəbər verir ki, bu barədə məlumatı yerli mətbuat Türkiyənin Qəza və Fövqəladə Halların İdarə Olunması Agentliyinə (AFAD) istinadən yayıb.

KİV-in məlumatına görə, zəlzələnin episentri Hatay vilayətinin Defne şəhəri olub.

KİV-in açıqlamasına görə, zəlzələ bir neçə qəzalı binanın dağılmasına səbəb olub, lakin hələ ki, tələfat barədə məlumat yoxdur.

Türkiyənin “Anadolu” dövlət xəbər agentliyinin məlumatına görə, zəlzələ Suriya, İordaniya, İsrail və Misirdə də hiss olunub.

Xatırladırıq ki, təxminən 2 həftə əvvəl Türkiyə və Suriyada dağıdıcı zəlzələlər baş vermiş, təkcə Türkiyədə 41 100 nəfər həlak olmuşdu.