Tbilisi Apellyasiya Məhkəməsi Mixeil Saakaşvilinin şikayətini rədd edib

Tbilisi Apellyasiya Məhkəməsi Gürcüstanın üçüncü prezidenti Mixeil Saakaşvilinin şikayətini rədd edib.

InterPress.ge xəbər verir ki, bu barədə Saakaşvilinin hüquq müdafiəçisi Şalva Xaçapuridze məlumat verib.

O bildirib ki, Tbilisi Apellyasiya Məhkəməsi Mixeil Saakaşvilinin azadlığa buraxılması və ya cəzasının təxirə salınması ilə bağlı vəsatətə qiyabi baxıb və Şəhər Məhkəməsinin qərarını qüvvədə saxlayıb.

Onun qeyd etdiyinə görə, vəkillər prosesdə iştirak etməyiblər.

Məlumat üçün bildirək ki, Tbilisi Şəhər Məhkəməsi Gürcüstanın sabiq prezidenti Mixeil Saakaşvilini nə cəzadan azad edib, nə də cəzasını yüngülləşdirib.