Baş nazir: "Qubaz Sanikidze kimi satqınlar və nakişilər bir daha bu ölkədə hakimiyyət nümayəndəsi ola bilməzlər"

Sən satılmısan, sən əclafsan, satqınsan. Qubaz Sanikidze kimi satqınlar və nakişilər bir daha bu ölkədə hakimiyyət nümayəndəsi ola bilməzlər. 

InterPress.ge xəbər verir ki, Gürcüstanın baş naziri İrakli Qaribaşvili müxalifətçi deputata belə müraciət edib. 

Qaribaşvili deputat Davit Usupaşviliyə də müraciət edərək onun satqın olduğunu bildirib. Baş nazirin bu çıxışından sonra onunla Sanikidze arasında şifahi qarşıdurma baş verdi.

“Məsləhətinizə görə sağ olun cənab Qubaz. Bu adam vaxtilə bizim komandanın üzvü idi, bu adam milyon dollar arzusunda idi. Mən sizə demək istəyirəm ki, bu adam necə satılıb, Saakaşviliyə necə satılıb. 100 min dollara satılıb. Sən satqınsan, ey əclaf. Siz tam bir xainsiniz. Qubaz Sanikidze kimi satqınlar və nakişilər bu ölkədə heç vaxt hakimiyyət təmsilçisi olmayacaqlar. Siz əclaf və xain adamsınız. Qubaz kimi olanlara demək istəyirəm ki, sizin kimi satqınlar hakimiyyətə qayıda bilməz. Satılmış, satqın adamsan, xalqımız sənin kimi satqınların hökumətinə çox dözüb.

Dağıdıcı, radikal, ekstremist müxalifətimiz xalqımıza ölkənin dağıdılmasını, müharibəni təklif edir, avropalı yox, məhv edilmiş gələcək təklif edir. Sizə, cənab Qubaz və Usupaşvili kimi satqınlara demək istəyirəm ki, ölkəmizin gələcəyi xarici dövlətlərin xidmətçilərinin deyil. Ölkəmizin gələcəyi vətənpərvərlərin, gələcək nəsillərimizindir, sizin kimi satqınların yox. Xalqımız sadə seçim qarşısındadır - ekstremist, radikal qüvvə müharibə və ölkənin dağıdılmasını, biz isə sülh və ölkənin yaşamasını və inkişafını istəyirik. Bizim bu seçimimiz var”, - deyə İrakli Qaribaşvili bildirib.