Yük maşını baş nazir İrakli Ğaribaşvilinin evinə çırpılıb
Dedopliscğaroda baş nazir İrakli Qaribaşvilinin evinə yük maşını çırpılıb.
InterPress.ge xəbər verir ki, hüquq-mühafizə orqanlarının əməkdaşları hadisədən iki saat sonra Tbilisidə yük maşınının sürücüsünü saxlayıblar.
Səhlənkarlıq və ya düşünülmüş hərəkət - baş nazirin ailəsi hadisə barədə danışmır, yerli sakinlər də kameralara danışmaq istəmir.
Hadisə ilə bağlı araşdırmalara başlanılıb.
“Müxtəlif vaxtlarda asayiş keşikçilərinin qanuni çağırışına tabe olmayıb” – Daxili İşlər Nazirliyindən bildirilir.
Yol hərəkəti qaydalarını pozaraq təhlükə yaradan vətəndaş hüquq-mühafizə orqanları əməkdaşlarının nəqliyyat vasitəsini saxlamaqla bağlı qanuni çağırışına dəfələrlə tabe olmamışdır.
O, idarə etdiyi avtomobillə hüquq-mühafizə orqanlarının maşınlarına da ziyan vurub.
Hüquq-mühafizə orqanlarının əməkdaşları adıçəkilən vətəndaşı yaxalayıblar.
Daxili İşlər Nazirliyi bildirir ki, faktla bağlı Cinayət Məcəlləsinin 187-ci və 353-cü maddələrinin 1-ci hissələri ilə istintaq aparılır.
