Fransanın xarici işlər naziri Gürcüstana səfər edəcək

Fransanın xarici işlər naziri Ketrin Kolona aprelin 28-də Gürcüstana səfər edəcək.

InterPress.ge xəbər verir ki, məlumatı Fransa Xarici İşlər Nazirliyi yayıb.

“Gürcüstan prezidenti Salome Zurabişvili, baş nazir İrakli Ğaribaşvili və xarici işlər naziri İliya Darçiaşvili ilə danışıqlar zamanı Ketrin Kolona ölkənin Avropa İttifaqı ilə yaxınlaşması üçün zəruri olan qanunun aliliyi və vətəndaş məkanının qorunması sahəsində islahatları dəstəklədiyini bildirəcək”, - məlumatda deyilir.

Fransa Xarici İşlər Nazirliyinin məlumatına görə, Ketrin Kolona Gürcüstana səfər etməzdən əvvəl aprelin 26-28-də Azərbaycan və Ermənistana səfər edəcək.