Oleksi Qonçarenko: Gürcüstanın hakim partiyası öz xalqının arzularından çox Putinin arzusunu seçdi

“Gürcüstanın hakim partiyası öz xalqının arzularından çox Putinin arzusunu seçdi. AŞPA-da hakim partiyanın heç bir nümayəndəsi Putin və Lukaşenkonu qınamağa səs verməyib”.

InterPress.ge xəbər verir ki, Avropa Şurası Parlament Assambleyasının Miqrasiya, Qaçqınlar və Məcburi Köçkünlər Komitəsinin vitse-prezidenti, ukraynalı deputat Oleksi Qonçarenko bu barədə tvitter hesabında yazıb.

Onun sözlərinə görə, artıq Gürcüstanın keçmiş baş naziri Bidzina İvanişviliyə qarşı sanksiyalar tətbiq etməyin vaxtı çatıb.

“Dünyanın ayılmaq və onların kimə xidmət etdiyini görmək vaxtıdır. İvanişviliyə qarşı sanksiyaların tətbiq edilməsinin vaxtı çatıb”, - ukraynalı deputat yazıb.