Ğaribaşvili: “Durmadan irəliləyirik və gələcək məqsədimiz Avropa İttifaqına daxil olmaqdır"
“Biz durmadan irəliləyirik və gələcək məqsədimiz Avropa İttifaqına daxil olmaqdır".
InterPress.ge xəbər verir ki, bu barədə Gürcüstanın baş naziri İrakli Ğaribaşvili Avropa Şurasının dövlət və hökumət başçılarının Sammiti çərçivəsində keçirilən ümumi debatda çıxışı zamanı bildirib.
İrakli Ğaribaşvilinin qeyd etdiyinə görə, Gürcüstan müxtəlif istiqamətlərdə irəliləyişlərə malikdir və Avropa İttifaqına daxil olmaq ölkənin hədəf nöqtəsidir.
“Biz müxtəlif istiqamətlərdə irəliləyirik, Avropa İttifaqına daxil olmaq hədəf istiqamətimizdir. Bildiyiniz kimi, Avropa İttifaqına daxil olmaq üçün müraciət etmişik və bu, ölkəmizin, millətimizin böyük məqsədidir. Bildiyiniz kimi, bizə Avropa perspektivi verildi və bununla da gələcəyimizin Avropa İttifaqında olduğunu sübut etdik. Durmadan irəliləyirik və gələcək məqsədimiz Avropa İttifaqına daxil olmaqdır. Bu məqsədə və istiqamətə doğru irəliləyirik və namizəd statusu almaq üçün on iki tövsiyənin hamısını həyata keçiririk. Bizim ümumi tariximiz və beynəlxalq nizamımız göstərir ki, dünyada firavanlıq və sülhə alternativ yoxdur, Gürcüstan bu dəyərləri qoruyur və sizinlə Avropa Şurasında əməkdaşlıq gözləyir, çox sağ olun”, - deyə baş nazir bildirib.
