Bizimlə əlaqəHaqqımızda—
Ən son:
TVCANLI

Qiorqi Amilaxvari azərbaycanlı həmkarı ilə əməkdaşlığın genişləndirilməsi məsələlərini müzakirə edib

352
Qiorqi Amilaxvari azərbaycanlı həmkarı ilə əməkdaşlığın genişləndirilməsi məsələlərini müzakirə edib
Dinləmək üçün basın

Gürcüstanın təhsil və elm naziri Qiorqi Amilaxvar Azərbaycan Respublikasının elm və təhsil naziri Emin Əmrullayevi, Azərbaycan Diplomatik Akademiyasının (ADA Universitetinin) rektoru Hafiz Paşayevi və nümayəndə…

Gürcüstanın təhsil və elm naziri Qiorqi Amilaxvar Azərbaycan Respublikasının elm və təhsil naziri Emin Əmrullayevi, Azərbaycan Diplomatik Akademiyasının (ADA Universitetinin) rektoru Hafiz Paşayevi və nümayəndə heyətinin digər üzvlərini qəbul edib. 

InterPress.ge xəbər verir ki, Təhsil Nazirliyindən verilən məlumata görə, nazirlikdə keçirilən görüşdə nazirlər Gürcüstan və Azərbaycan arasında əməkdaşlığın dərinləşdirilməsi məsələlərini və birgə layihələrin həyata keçirilməsi yollarını müzakirə ediblər.

Qiorqi Amilaxvari səmərəli tərəfdaşlığa görə Emin Əmrullayevə təşəkkür edib və iki ölkə arasında təhsil və elm sahəsində sıx əməkdaşlığı müsbət qiymətləndirib. Söhbətdə məktəb dərsliklərinin təkmilləşdirilməsi, müəllimlərin ixtisasının artırılması məsələlərinə toxunulub.

Tərəflər, həmçinin Gürcüstan və Azərbaycanın akademik dairələri ilə ali təhsil müəssisələri arasında əlaqələrin gücləndirilməsi, birgə elmi və tədqiqat layihələrinin həyata keçirilməsi məsələlərini müzakirə ediblər.

Görüşdən sonra Tbilisi Dövlət Universiteti, Gürcüstan Texniki Universiteti və Kutaisi Beynəlxalq Universiteti arasında təhsil və mədəniyyət sahəsində əlaqələrin dərinləşdirilməsi məqsədilə Azərbaycan Diplomatik Akademiyası ilə əməkdaşlıq memorandumu imzalanıb. Sənədi Tbilisi Dövlət Universitetinin rektoru, akademik Caba Samuşia, Gürcüstanın Texniki Universitetinin rektoru, akademik Davit Qurqenidze, Kutaisi Beynəlxalq Universitetinin rektoru, professor Aleksandre Tevzadze və Azərbaycan Diplomatik Akademiyasının (ADA) rektoru Hafiz Paşayev imzalayıb.

Qeyd edək ki, əməkdaşlıq çərçivəsində həm professor-müəllim heyətinin, həm də tələbələrin iştirakı ilə birgə mübadilə proqramlarının, tədqiqat layihələrinin və peşəkar təlimlərin təşkili nəzərdə tutulur. Bundan başqa, memorandumda müxtəlif seminarların, konfransların və mədəni proqramların həyata keçirilməsinə dəstək nəzərdə tutulub”, - məlumatda deyilir.

Xəbəri qiymətləndir
Məqalənin müəllifiAidə Rüstəmova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →