Türkiyədə prezident seçkilərinin ikinci turunda səsvermə prosesi başa çatıb və seçki məntəqələri bağlanıb

Türkiyədə seçki məntəqələri yerli vaxtla saat 17:00-da bağlanıb.

InterPress.ge xəbər verir ki, prezident seçkilərinin ikinci turu üçün yerli vaxtla səhər saat 08:00-da ölkə üzrə seçki məntəqələri açılıb.

Türkiyə vətəndaşları hazırkı prezident Rəcəb Tayyib Ərdoğanla müxalifətin əsas namizədi Kamal Kılıçdaroğlu arasında seçim etməli olublar.

Xatırladaq ki, Türkiyədə prezident seçkilərinin birinci turu mayın 14-də keçirilib və bu turda Rəcəb Tayyib Ərdoğan 49,52 faiz, onun əsas rəqibi Kamal Kılıçdaroğlu isə 44,88 faiz səs toplayıb. Milliyyətçi namizəd Sinan Oğan birinci turda üçüncü yeri tutaraq 5,17 faiz səs toplayıb. Bir neçə gün əvvəl o, seçkilərin ikinci turunda hazırkı prezident Rəcəb Tayyib Ərdoğanı dəstəklədiyini açıqlamışdı.