Gürcü Arzusu: “Prezident institutunu indiki prezidentin özü bu institutun nüfuzuna təhlükə törədəndə belə qorumalıyıq”

“Prezident institutunu indiki prezidentin özü bu institutun nüfuzuna təhlükə törədəndə belə qorumalıyıq”.

InterPress.ge xəbər verir ki, bu, “Gürcü Arzusu” Siyasi Şurasının bəyanatında deyilir.

Partiya prezidentin son zamanlar səsləndirdiyi tənqidi bəyanatlara münasibət bildirib və onları qeyri-obyektiv qiymətləndirib.

“Son iki ildə Gürcüstan prezidenti xanım Salome Zurabişvili getdikcə daha tez-tez bəyanatlar verir ki, bu bəyanatlar ilk növbədə Gürcüstan cəmiyyətinin 2018-ci ildə bizim çağırışımız əsasında prezident seçkilərində onu dəstəkləyən hissəsi tərəfindən mənfi qarşılanır və qiymətləndirilir.

Bu cür qavrayış və qiymətləndirmənin möhkəm obyektiv əsası olsa da, xanım Salome Zurabişvilinin siyasi bəyanatlarına cavab verməyi məqsədəuyğun hesab etmirik. Biz hakim partiya olaraq Gürcüstanın ali konstitusiya institutlarını, o cümlədən Gürcüstan Prezidenti institutunu qorumaq üçün xüsusi məsuliyyət daşıyırıq.

2018-ci il prezident seçkilərində Salome Zurabişvilinin namizədliyini məhz onun parlament idarəetmə sistemində partiyadan yuxarı prezident funksiyasını layiqincə yerinə yetirəcəyi gözləntiləri ilə dəstəklədik.

Hesab edirdik ki, birinci Gürcüstan Respublikasının məşhur simalarının nəslindən olan və bununla da birinci Gürcüstan tarixi ilə müasir Gürcüstan arasında əlaqəni təcəssüm etdirən partiyasız bir xanım bu missiyaya ən yaxşı namizəd olacaq. Lakin təəssüflər olsun ki, xanım Salome Zurabişvili başqa bir yol seçdi və son iki ildə radikal müxalifət qüvvələrinin gündəminin lehinə siyasi qərəzli mövqe nümayiş etdirdi.

2018-ci ildə Gürcüstan prezidenti vəzifəsinə seçiləndə “Gürcü Arzusu”nun rəhbərliyi xanım Salome Zurabişviliyə münasibətini aydın şəkildə izah etdi ki, seçkilərdə dəstəklənsə də, onun hakim partiya qarşısında heç bir öhdəliyi olmamalıdır. “Gürcü Arzusu” Salome Zurabişvilinin and içdiyi gündən bu yanaşmanı tam müdafiə edib və indi də müdafiə edir. Buradan da görünür ki, 2018-ci il prezident seçkilərində Salome Zurabişvilinin namizədliyini dəstəkləməkdə yeganə məqsədimiz Gürcüstan Prezidentinin partiyalarüstü institutunun parlament idarəetmə sistemində düzgün qurulması olub.

Xanım Salome Zurabişvilinin son hərəkətləri ifrat qeyri-obyektivlik və siyasi qərəzliliklə səciyyələnsə də, bu, partiyadan yuxarı konstitusiya vəzifəsi funksiyasına kobud şəkildə zidd olsa da, bizim mövqeyimiz ondan ibarətdir ki, biz Gürcüstan prezidentini tənqid etməkdən çəkinməliyik. Prezident institutunun korlanmasına töhfə verməmək bizim borcumuzdur. Eyni məqsədlə siyasi qarşıdurmanı dərinləşdirməyə imkan verməməyi özümüzə borc bilmişik.

Gürcüstan prezidentinin 2018-ci il seçkilərində cəmiyyətin onu dəstəkləyən hissəsinin gözündə legitimliyini itirdiyi, eyni zamanda 2018-ci ildə cəmiyyətin onu satqın və rezident elan edən hissəsin də legitimlik qazanmadığı bir şəraitdə, Xanım Salome Zurabişvilinin səlahiyyət müddətinin qalan il yarımı ərzində prezident səlahiyyətlərini həyata keçirməsi üçün onun minimal legitimliyini qorumaq bizim borcumuzdur. Bu həm də bizim xanım Salome Zurabişvili ilə polemikaya girməməyimizi diktə edir.

Sonda ümid edirik ki, xanım Salome Zurabişvili Gürcüstan cəmiyyətinin əksəriyyəti ilə daha da gərgin qarşıdurmaya getməyəcək. “Gürcü Arzusu” xalqla qarşıdurmanı dərinləşdirməmək üçün Gürcüstan prezidentinə maksimum köməklik göstərməyə hazırdır”, - partiyanın bəyanatında deyilir.