Kaxa Kaladze polis əməkdaşlarına: "Gündəlik fəaliyyətinizə, gördüyünüz zəhmətli işlərə görə sizə təşəkkür edirəm"

“Bu gün 31 Maydır, mən hər bir polis əməkdaşını, Daxili İşlər Nazirliyinin bütün kollektivini, nazir Vaxtanq Qomelaurini peşə günü münasibətilə təbrik etmək istəyirəm. Ölkəmizin təhlükəsizliyinə, asayişin, qanunun aliliyinə, vətəndaşlarımızın hüquqlarının müdafiəsinə peşəkarlıqla, sədaqətlə xidmət edən hər kəsi təbrik edirəm".

InterPress.ge xəbər verir ki, bunu paytaxt hökumətinin iclasında Kaxa Kaladze deyib.

“Gündəlik fəaliyyətinizə, gördüyünüz zəhmətli işlərə görə təşəkkür edirəm! Sizə polis adını uca tutmanızı arzulayıram! Mən burada öz xidməti vəzifələrini yerinə yetirərkən həlak olan bütün polislərin xatirəsi qarşısında baş əymək istərdim”, - deyə Tbilisi meri bildirib.