Marneulidə şəhid olan əsgərlə bağlı Müdafiə Nazirliyi AÇIQLAMA VERDİ

Bu il iyunun 8-də Gürcüstan Müdafiə Nazirliyinin Hərbi Polis Departamenti Müdafiə Qüvvələrinin hərbi hissələrindən birinin sıravi hərbi qulluqçusu, 2005-ci il təvəllüdlü Yusif Nəsibovun ölümü ilə bağlı araşdırmalara başlayıb. 

InterPress.ge xəbər verir ki, bu barədə Müdafiə Nazirliyindən məlumat verilib. 

“İşin istintaqı zamanı müəyyən edilib ki, adıçəkilən hərbi qulluqçu  silahla gecə-gündüz növbətçilik edib. Silah səsləri ilə əlaqədar postda yoxlama aparılıb və mərhum İ.Nəsibov un cəsədi tapılıb.

İlkin məlumata görə, mərhum çənəsindən güllə yarası alıb və hadisə yerində ölüb.

Hazırda faktla bağlı Müdafiə Nazirliyinin Hərbi Polis İdarəsi tərəfindən araşdırmalar davam etdirilir.

Müdafiə Nazirliyi qeyd olunan faciəvi faktdan kədərləndiyini bildirir, mərhumun ailə üzvlərinə və yaxınlarına başsağlığı verir", - Müdafiə Nazirliyindən bildirilib.