Ukrayna “Georgian Airways”ə sanksiyalar tətbiq edib

Ukrayna prezidenti Vladimir Zelenski Gürcüstanın “Georgian Airways” aviaşirkətinə sanksiyalar tətbiq edib.

InterPress.ge xəbər verir ki, məlumatı “Exo Kavkaza” yayıb.

Məhdudiyyətlərə aktivlərin bloklanması, ticarət əməliyyatlarının dayandırılması, Ukrayna ərazisinə uçuşların və tranzitin dayandırılması, iqtisadi və maliyyə öhdəliklərinin dayandırılması, lisenziyaların və digər icazələrin ləğvi daxildir. Sanksiyaların müddəti 10 ildir.

Şirkətin direktoru Tamaz Qaiaşviliyə də şəxsi sanksiyalar tətbiq edilib.

Xatırladaq ki, “Georgian Airways” Rusiya-Gürcüstan uçuşlarının həyata keçirilməsinə icazəni mayın 16-da alıb. İlk uçuş mayın 20-də həyata keçirilib.