Güclü külək və yağış Batumidə ciddi fəsadlar törədib

Güclü külək və yağış nəticəsində Batumidə bir neçə ağac aşıb. Yerli sakinlərin sözlərinə görə, kökündən qopan ağaclar 6 avtomobilin üzərinə düşüb.

InterPress.ge xəbər verir ki, zərərçəkən vətəndaşlar bildirirlər ki, avtomobillərə xeyli ziyan dəysə də, qəza nəticəsində xəsarət alan olmayıb.

“Güclü külək nəticəsində 18 saylı uşaq bağçasının yaxınlığında ağaclar aşıb, avtomobillərə və infrastruktura ziyan dəyib. Təsadüfən sağ qaldıq, dəhşətli vəziyyətdir. Yardım istəyirik”, - deyə vətəndaşlar bildirib.

Hadisə yerinə xilasetmə xidmətinin əməkdaşları və Batumi şəhər meriyasının nümayəndələri gəlib. Ərazidə təmizlik işlərinə başlanılıb.