Baş verən yol qəzasında 10 avtomobilə ziyan dəyib

Bu gün səhər saatlarında Tbilisi-Senaki-Leselidze yolunun Qori hissəsində baş verən yol-nəqliyyat hadisəsi nəticəsində 10 avtomobilə ziyan dəyib.

InterPress.ge xəbər verir ki, hadisə şahidlərinin sözlərinə görə, əvvəlcə iki avtomobil bir-biri ilə toqquşub, daha sonra qeyd edilən avtomobillərin arxasında hərəkət edən digər 8 avtomobilə ziyan dəyib. 

Baş verən yol-nəqliyyat hadisəsi nəticəsində 63 yaşlı qadın xəsarət alıb. Təcili tibbi yardım briqadası yaralını Müdafiə Nazirliyinin hərbi hospitalına çatdırıb.

Daxili İşlər Nazirliyindən verilən məlumata görə, hadisə ilə bağlı Gürcüstan Cinayət Məcəlləsinin 276-cı maddəsi ilə istintaq başlayıb.