Bolnisidə qadını zorlayaraq onun intim video və foto görüntülərini yayan şəxs saxlanılıb

1985-ci il təvəllüdlü Bolnisi sakini zorlama faktı ilə bağlı saxlanılıb.

lnterPress.ge xəbər verir ki, bu barədə məlumat Xüsusi İstintaq Xidməti yayıb.

Bolnisi rayonunda yaşayan 1985-ci il təvəllüdlü İ.A, 2022-ci ilin may ayında zərərçəkəni zorlayaraq onun zorla çılpaq şəkildə fotolarını çəkib. O, həmçinin zərərçəkənlə intim video götüntülərini də lentə alıb. Təqsirləndirilən şəxs qanunsuz çəkilmiş şəkilləri "Facebook" vasitəsilə zərərçəkənin azyaşlı oğluna göndərib.

Zorlama faktı ilə bağlı İ.A.-ya qarşı təqsirli bilinən hökm çıxarılıb və o, gender dözümsüzlüyü zəminində şəxsi həyatının toxunulmazlığını pozmaqda ittiham olunub. Cinayət 7 ilə qədər azadlıqdan məhrumetmə ilə cəzalandırılır.