Zelenski: "İnsan tələfatı ilə nəticələnən təbii fəlakətlə əlaqədar Gürcüstan cəmiyyətinə dərin hüznlə başsağlığı veririk"

Ukrayna prezidenti Vladimir Zelenski  Raçada baş verən təbii fəlakətlə əlaqədar gürcü ictimaiyyətinə başsağlığı verib.

InterPress.ge xəbər verir ki, Zelenski  bu barədə “Twitter” hesabında bəyanat yayıb.

 “İnsanların həyatına son qoyan təbii fəlakətlə əlaqədar Gürcüstan cəmiyyətinin hüznünü bölüşürük. Biz həlak olanların ailə və yaxınlarına başsağlığı veririk və dağlıq Raça bölgəsində baş verən sürüşmə nəticəsində xəsarət alanların hamısının tezliklə sağalmasını arzulayırıq”, - Zelenski bildirib.

 Məlumat üçün bildirək ki, Şovidə təbii fəlakət nəticəsində ölənlərin sayı 11-ə çatıb. Hazırda təbii fəlakət zonasından 210 nəfər təxliyə edilib.