İrakli Kobaxidze Şovidə həlak olanların ailələrinə və yaxınlarına başsağlığı verib

"Çox böyük faciə baş verdi. İlk növbədə ölənlərin ailələrinə və yaxınlarına başsağlığı verirəm".

InterPress.ge xəbər verir ki, bunu “Gürcü Arzusu” partiyasının sədri İrakli Kobaxidze Şovidə jurnalistlərə açıqlamasında deyib.

Onun sözlərinə görə, əsas odur ki, xilasetmə işləri davam etdirilsin.

“Xilasedicilərə, polislərə və əsgərlərə təşəkkür edirəm, onlar gecə-gündüz çalışırlar ki, mümkün qədər çox insanı xilas etsinlər. Vəziyyət asan deyil, görürük. Ümid edək ki, mümkün qədər çox insan xilas olacaq. Əsas odur ki, nə baş verdiyini, bu işlərin necə aparıldığını ən yaxşı qurumlar, o strukturlar bilir. Ona görə də onlar ən səriştəlidirlər”, - İrakli Kobaxidze bildirib.