Rustavi Avtomobil Bazarında parkinq tariflərinin endirilməsi tələb olunur

Avtomobil idxalçıları Rustavi Avtomobil Bazarı rəhbərliyindən tariflərin aşağı salınmasını tələb edirlər.

InterPress.ge xəbər verir ki, bazarın yüksək tariflərinə etiraz olaraq idxalçılar bu gün inzibati bina yaxınlığında aksiya keçiriblər.

Maşın idxalçılarının iddia etdiyinə görə, satış yoxdur və avtomobil bazarının ərazisində parkinq haqqını artırıblar. Bazarda aktivliyin aşağı olması səbəbindən avtomobil idxalçıları yığılmış maliyyə öhdəliklərini ödəyə bilmirlər. Onların məlumatlarına görə, administrasiya ilə 1 aylıq danışıqlar nəticəsiz başa çatıb və bazar sahibləri tarifləri azaltmaq niyyətində deyillər.

İdxalçılar hər gün bazar ərazisində tarifi ödəməlidirlər. 

Məlumat üçün bildirək ki, hazırda parkinq haqqı dayanacaqda 10 lari, terminalda isə 15 laridir.