18 yaşlı Samirə İsayeva Şovidə ölü tapıldı

Şovidə tapılan meyitlərin şəxsiyyəti müəyyən edilərkən məlum olub ki, Rustavidən olan 2 nəfər təbii fəlakət nəticəsində həlak olub.

InterPress.ge “İnfo Rustavi” yə istinadən xəbər verir ki, mərhum qızın qardaşı ilə əlaqə saxlanılıb və o, faktı təsdiqləyib.

Ölən şəxslər 18 yaşlı Samirə İsayeva və 60 yaşlı Marina Xorbaladzedir.

 "Səhər meyitin tanınması ilə bağlı bizimlə əlaqə saxladılar və atam onu tanıdı. Təxminən 1 saatdır ki, Kutaisi morqundan çıxardılar. Qonşumun da meyitini tanıdılar. Bizə bildirdilər ki, meyitlər bir perimetrdə tapılıb. Bəzi cəsədlər tanınmaz haldadır. Meyitxanada çoxlu insan var və onlar cəsədləri tanımağa çalışırlar”, - deyə İsgəndər İsayev “İnfo Rustavi”yə müsahibəsində bildirib.